Оперативниот систем HongmengOS, кој го развива компанијата Huawei, ќе биде побрз од Android и ќе има многу поширока примена.
Освен во паметните телефони, ќе може да се користи и во рутери, мрежни прекинувачи, таблети, компјутери, па дури и во центри за податоци.
Во интервју за францускиот магазин Le Point, тоа го изјавил извршниот директор и основач на компанијата Huawei, Рен Зенгфеи.
Тој истакнал и дека HongmengOS ќе биде побрз од Apple MacOS, односно дека ќе има помалку од пет милисекунди задоцнување во процесирањето.
И покрај фактот што САД ја ублажи забраната на Huawei, кинескиот гигант не се откажува од развојот на неговиот Hongmeng оперативен систем.
А со оглед дека ќе може да се користи на различни уреди, HongmengOS многу потсетува на Google FuchsiaOS.
