29 март, 2024
ПочетнаИНТЕРЕСНОЗлатен медал за Макпетрол на светскиот карате куп во Умаг

Златен медал за Макпетрол на светскиот карате куп во Умаг

После првиот ден од одржувањето на најмасовниот и највисоко рангиран светски карате куп, организиран од Светската карате федерација (ВКФ), кој се одржува во Умаг, Хрватска, каратистката на Скопски Макпетрол Анѓела Мојсовска, успеа да го освои златниот медал во највозрасната младинска категорија на постари јуниори (У21), во тежинската категорија на -68 кг.

Петар Заборски, помошен тренер на Макпетрол, истакна дека Анѓела имала извонреден настап и супериорно дошла до првото место и златниот медал.

Во првото коло таа беше слободна, во второто коло победи против натпреварувачката од Швајцарија со 4-1, во третото коло беше подобра од натпреварувачката на БиХ и победи со 5-1, во четвртото коло Мојсовска оствари уште една победа против шампионката на Хрватска која е и носител на европски медал со резултат 3-1, и во финалето победи со резултат од 4-1.

Да напоменеме само дека Анѓела Мојсовска е спортистка од меѓународна категорија која е стипендистка на АМС, (Агенцијата за млади и спорт).

За потсетување, во Умаг земаа учество спортисти од 73 држави од целиот Свет.

НАЈНОВИ ВЕСТИ

ХОРОСКОП