Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 10,797.55 -0.38%    GRNT 1,026.84 -2.51%    KMB 5,605.21 -0.09%    MPT 71,273.31 -3.55%    RMDEN18 98.70 -0.15%    RZUS 83.00 -7.78%    SBT 2,500.00 -1.34%    STB 1,158.97 -2.6%    STIL 100.67 1.08%    TEL 300.00 -1.31%    TTK 1,431.43 2.46%    UNI 2,277.50 1.22%    

Нова методологија, нови цени – од полноќ поевтини горива

Време: 15:25

Датум: мај 27, 2019

Категорија: ЕКОНОМИЈА

Од полноќ цените на горивата повторно се регулирани, а првата одлука на РКЕ по новата методологија е тие да поевтинат. Прифатени се дел од барањата на трговците кои сега ќе заработуваат по околу 6 денари по литар. Државата пак за себе ќе задржува над 20.

Од полноќ пониски цени на горивата

Од ноќеска на полноќ цените на горивата ќе бидат повторно регулирани. Со стапувањето во сила на новата методологија следува нивно поевтинување – бензинот ќе се продава за 1 денар помалку, а дизелот за 2 денари.

95-та ќе чини 71 денар за литар, 98-та 73 денари, додека дизелот ќе биде 64 денари. Екстра лесното масло ќе чини 53.5 денари, а 35.964 денари.

Просечното намалување на цените е 0.97% иако на светските берзи падот е поголем.

„Референтните цени на нафтените деривати на светскиот пазар во споредба со изминатиот седумдневен период бележат намалување кај бензинот во просек за околу 0.29% или за 1.95 $/тон, кај дизелот намалување во просек за околу 3.57% или 23.00 $/тон, кај екстра лесното масло намалување во просек за околу 3.07% или за 19.15 $/тон и кај мазутот зголемување во просек за околу 3.23% или за околу 13.35 $/тон, поради што во структурата на цените на нафтените деривати е извршено соодветно прилагодување“ се наведува во образложението од Регулаторната комисија за енергетика (РКЕ).

Регулираните цени се воведуваат по пауза од четири недели во кои пазарот беше либерализиран.

Во новата методологија вметнати дел од барањата на трговците

Новата методологија е „златна средина“ меѓу она што го бараа трговците и она што важеше претходно.

Со неа е зголемена малопродажната маржа од 3.2 на 4.6 денари по литар иако трговците бараа од 6.2 до 6.5 денари за литар.

Трошокот за транспорт во државата е пресметан на 0.75 денари за литар, а маржата за продажба на големо ќе изнесува 1.20 денари.

Од регулаторна велат, трговците ќе имаат реални, а не огромни профити. Главни критериуми од кои зависат цените на горивата остануваат цените на сировата нафта на светските берзи и средниот курс на денарот во однос на доларот.

Колку чини литар гориво без давачките кон државата и маржата на трговците?

Литар безоловен бензин за 30.8 денари. Толку би чинело горивото на бензинските пумпи ако од малопродажната цена се одбие заработката на трговците и делот кој оди во буџетот.

Кога точите гориво најголем голем дел од парите одат кај државата. Според пресметката по новата методологија највисоката набавна цена на литар Еуросупер 95 е 30.787 денари.

На ова се додава големопродажна маржа од 1.20 денари, малопродажна маржа од 4.60 денари, надоместокот за екологија од 0.080 денари, давачката за задолжителни резерви од 0.890 денари, акцизата од 21.862 денари а на сето ова се пресметува и ДДВ од 18% со што крајната сума што ја плаќа потрошувачот е 71.00 денари по литар.

РКЕ ги утврдува само највисоките цени

Со старата методологија имаше неколку нивоа на цени, но трговците секогаш се одлучуваа за највисокото. Сега, нема вакво ограничување – горивата може да се продаваат по која било цена под максимално утврдената од РКЕ.

„Трговците на големо и трговците на мало со нафтени деривати и горива за

транспорт можат да ги формираат цените на одделни нафтени деривати и горива за транспорт и пониско од највисоките цени“ се наведува во одлуката на РКЕ.

Ова веројатно нема да се случи, досегашното искуство покажува дека бензинските станици секогаш се одлучуваа за најскапата можна варијанта.

Што се случи додека пазарот беше либерализиран?

Привремената либерализација на пазарот и можноста трговците сами да ги определуваат цените на нафтените деривати настана поради правниот вакуум предизвикан со не потпишувањето на измените на Законот за енергетика од поранешниот претседател Ѓорге Иванов заради што не можеше навреме да биде донесена новата методологија по која РКЕ треба да ги определува цените.

Потребата за донесување нова методологија е заради истекувањето на важноста на Анексот „Д“ што произлегува од Договорот за купопродажба на ОКТА на 8 мај годинава, според кој беше определена и постојната методологија за малопродажните цени на нафтените деривати.

Поради тоа што новата методологија за пресметка не стапи навреме на сила, бензинските пумпи имаа можност во два наврати да ги коригираат цените. Бензините првиот пат поевтинија, а вториот пат поскапеа за еден денар. Сепак цената на дизелот се вивна нагоре. Стигна до 66 денари по литар, откако поскапи половина денар на 13 мај и 2 денари минатиот понеделник.

Со новата методологија цените ќе се менуваат секоја недела

Од РКЕ велат дека откако новата методологија ќе стапи во сила нови цени ќе се утврдуваат секој понеделник, а не како досега секој втор понеделник.

„РКЕ ги штитела, ги штити и во иднина ќе продолжи да ги штити правата на потрошувачите. Со новата методологија ќе им определи маржа на трговците која ќе им овозможи да работата со разумен профит, но таа ќе биде многу помала од маржата од 11,5 отсто што беше определена за универзалниот снабдувач со електрична енергија“, изјави неодамна првиот човек на РКЕ Марко Бислимовски.

Горивата поскапеа за 20 денари за 10 години

Бензините за една деценија во просек поскапеа за 20 денари. Според одлуката на РКЕ од мај 2009 година малопродажната цена на Еуросупер 95 била 54.5 денари по литар, на Еуросупер 98 била 56.00 денари, на Еуродизелот 44.50 денари.

Зголемување има и во однос на лани. Во мај цената на Еуросупер 95 била 68.0 денари по литар, на Еуросупер 98 била 69.50 денари, на Еуродизелот 60.00 денари.

Откако на 1 јануари 2018-та година беше воведена дополнителна акциза од 3 денари а со додаден ДДВ во суштина за 3.5 денари по литар овој нафтен дериват има и најголем пораст на просечната цена. Пред десет години литар дизел чинел 44.50 денари, а сега 62.5 денари.

К. Н.

КОМЕНТАРИ

НАЈНОВО ОД КАТЕГОРИЈАТА

  • Раст на минималецот – најниската плата ќе изнесува 14.500 денари!

    Раст на минималецот – најниската плата ќе изнесува 14.500 денари!

    14.500 денари. Ова е новиот износ на минималната плата кој ќе мора да се исплаќа од декември годинава. Зголемувањето е за околу 2.000 денари. „Имаме…

  • Анкета: САД најпријателска држава, Бугарија за една година станала најголем непријател

    Анкета: САД најпријателска држава, Бугарија за една година станала најголем непријател

    Во анкетата што денеска ја објави Центарот за европски стратегии Евротинк, за прашања поврзани со евроинтеграциите, од граѓаните кои сметаат дека државава би можела да…

  • Во пресрет на Брегзит: Секоја трета британска компанија во автомобилскиот сектор укинува работни места

    Во пресрет на Брегзит: Секоја трета британска компанија во автомобилскиот сектор укинува работни места

    Секоја трета компанија во британскиот автомобилски сектор започна со укинување на работни места во пресрет на Брегзит. Тоа е пораст во однос на секоја осма…

  • Цената на свинското месо во Кина скокна речиси 70 проценти

    Цената на свинското месо во Кина скокна речиси 70 проценти

    Цената на свинското месо во Кина во текот на септември скокна дури за 69,3 проценти во однос на минатата година, објави CNBC. Најнаселената земја во светот…

  • МФ: Со денешната редовна аукција се сервисираат стари долгови од пред 5 години

    МФ: Со денешната редовна аукција се сервисираат стари долгови од пред 5 години

    Со денешната аукција Министерството за финансии ќе покрие стари долгови од претходно издадени државни хартии од вредност, кои доспеваат за исплата на 16ти и 19ти…

  • Минималната плата ќе се зголеми на 14.500 денари

    Минималната плата ќе се зголеми на 14.500 денари

    Премиерот Зоран Заев најави дека е постигнат договор со бизнисот и синдикатите за зголемување на минималната плата и таа во иднина ќе изнесува 14.500 денари.…

  • ИКТ компаниите прават голем исчекор напред со приклучување кон професионалните пензиски шеми

    ИКТ компаниите прават голем исчекор напред со приклучување кон професионалните пензиски шеми

    Моќта и ефектите од работата на ИКТ секторот и компаниите во него сé повеќе расте и се зголемува. Како што се одвива дигитализацијата на македонските…

  • Италијанските банки успешно го тестираа усогласувањето на податоците преку блокчеин

    Италијанските банки успешно го тестираа усогласувањето на податоците преку блокчеин

    Италијанското банкарско здружение (ABI) во текот на целата година успешно обработи податоци за усогласување на локалното банкарско работење на блокчеин платформата. Здружението најави успешен тест…

  • Заменик министерот за здравство Асим Муса поднесе оставка

    Заменик министерот за здравство Асим Муса поднесе оставка

    Заменик министерот Муса по објавувањето на снимката од страна на албанската телевизија “The Channel” во шоуто  “Fiks Fare”, во кое наводно прима мито, си поднесе…

  • Бизнисот доби од Министерството за финансии онлајн-платформа за иницијативи

    Бизнисот доби од Министерството за финансии онлајн-платформа за иницијативи

    Министерството за финансии креираше онлајн-платформа преку која стопанските комори, фирмите и други правни субјекти и организации ќе можат да даваат предлози за решавање на проблеми со кои се соочуваат,…