Василије Ќорлука, главен креативен директор за Адриатик регион во Публицис Групацијата и Милан Стојанов, креативен директор во Публицис Македонија се дел од жирито на престижниот Њујоркшки адвертајзинг фестивал.
Василије Ќорлука и Милан Стојанов од Публицис Македонија дел од жирито на престижниот Њујоркшки адвертајзинг фестивал
Во средината на јануари фестивалот ги објави имињата на членовите на своето големо жири (Grand Jury). Меѓу членовите на жирито се најдоа 11 менаџери и креативци од агенциите од регионот на поранешна Југославија.
Членовите на жирито беа избрани врз основа на препораките на членовите на жирито од минатата година на овој престижен фестивал. Исто така, членовите на жирито се и добитниците на наградите од фестивалот во 2018 година.
Членови на Големото жири од нашиот регион се:
- Дејан Недиќ, основач и извршрн дректор на FCB Afirma, Србија
- Кристина Јовановиќ, арт директор McCann Белград, Србија
- Ања Радуловиќ, креативен директор Leo Burnett, Србија
- Василије Ќорлука, главен креативен директор за Адриатик регион во Публицис Групација, Македонија
- Милан Стојанов, креативен директор Публицис, Македонија
- Дарко Боснар, креативен&арт директор Imago Ogilvy, Хрватска
- Вања Блуменштајн, креативен директор Señor, Хрватска
- Јаков Виловиќ, креативен директор Utorak/Apple, Хрватска
- Јелена Фискус&Сеан Поропат, креативни директори, сопственици и основачи на Studio Sonda, Хрватска
- Томас Пангерсич Литај, извршен креативен директор, FCB Љубљана, Словенија
Крајниот рок за пријавување на кампањите е 1 март 2019 година, а точниот датум на церемонијата за доделување награди ќе биде дополнително објавен.
New York Festivals Advertising Awards се одржува од 1957 година. Пријавените кампањи доаѓаат од повеќе од 50 земји, а ги оценува Големо жири кое брои над 400 членови. Потоа, за време на заседавање во живо во Њујорк, Извршното жири (Executive Jury) ги избира победниците врз основа на потесниот избор направен од Големото жири.