Цените на бензините и дизелот од ноќеска на полноќ се зголемија за 2,5, односно 3,5 денари.
Малопродажните цени на бензините еуросупер БС-95 и еуросупер БС-98 се зголемија за 2,5 денари за литар, и со тоа новите цени од ноќеска на полноќ изнесуваат 61, односно 63 денари.
Дизелот од ноќеска на полноќ поскапе за 3,5 денари на 58,5 денари за литар.
Екстра лесното масло за домаќинство поскапе 4 денари на 47,5 денари за литар.
Малопродажната цена на мазутот М-1 НС се зголемува за 3,573 денари и со тоа новата цена изнесува 29,522 денари за килограм.
