29 март, 2024
ПочетнаИНТЕРЕСНОНов рекорд на Јокиќ, Голден Стејт пресилен за Далас (видео)

Нов рекорд на Јокиќ, Голден Стејт пресилен за Далас (видео)

Српскиот центар Никола Јокиќ комплетно доминираше во триумфот на неговиот Денвер над Портланд од 116-111. Тој постигна рекордни за него сезонава 40 поени, имаше и 10 скока, а само еден поен го делеше од најдобриот поентерски ефект во кариерата.

Џамал Мареј со 24 поени го следеше Јокиќ во тимот на Денвер кој и натаму ја предводи Западната конференција со биланс од 29/13. Кај Портланд кој е четвртопасиран на Запад со ефект 26/18, Демијан Лилард со 26 поени беше прв стрелец.

Стеф Кари ги постигна последните седум поени на натпреварот и ја донесе победата на Голден Стејт во неизвесната пресметка со Далас од 119-114. Кари постигна 48 поени во 29 победа на актуелниот шампион кој само поради тоа што има еден пораз повеќе од Денвер е на втората позиција на Запад.

Кај Далас вообичаено, Лука Дончиќ беше прв стрелец, постигна 26 поени и стана само вториот дебитант во лигата кој врзал серија од четири натпревари со повеќе од 25 поени. Единствен на кој претходно му успеало тоа е неговиот ноќешен противник на теренот Стеф Кари во 2010 година.

Кливленд го искористи отсуството на поранешната ѕвезда на клубот во тимот на Лос Анџелес Лејкерс и конечно успеа да ја прекине црната серија од 12 последовни порази славејќи тесно над тимот од „ѕвездениот град“ со 101-95. Џеди Осман со 20 поени беше прв стрелец во успехот. Овој триумф на му менува многу на Кливленд со оглед дека со биланс од 9/35 останува закован на дното во Источната конференција.

Лејкерс пак паднаа надвор од позициите кои водат во плеј-офот, а се поради отсуството на Леброн Џејмс. Тој се повреди во средината на декември и и натаму нема прецизна информација кога би се вратил во тимот.

НАЈНОВИ ВЕСТИ

ХОРОСКОП