Вечерва ќе се одиграат последните осум натпревари во фазата по групи во Лигата на шампионите. Од групите Е, Ф, Г и Х седум тима веќе изборија пласман во осмина-финалето, а единствената дилема е која екипа од Ф-групата (Шахтјор или Лион) ќе му се приклучи на Манчестер сити во нокаут-рундата.
Манчестер сити го освои веќе првото место во Ф-групата. Вечерва „граѓаните“ ќе го пречекаат Хофенхајм, кој сè уште има некакви шанси да дојде до третото место.
Вториот меч помеѓу Шахтјор и Лион ќе реши кој тим ќе биде втор на табелата. На украинскиот шампион му е потребна победа, само таа ќе го однесе во осмина-финалето. Секој друг резултат во осмина-финалист ќе го промовира Лион.
Мали дилеми има, но само околу позициите на табелите има во групите Е и Х. Баерн е лидер во Е-групата и не смее да загуби во Амстердам од Ајакс, доколку сака да остане на првото место.
Победа за потврда на првото место им е неопходна и на фудбалерите на Јувентус, но само доколку Манчестер Јунајтед победи во Валенсија. Јувентус гостува во Берн, кај швајцарскиот првак Јанг Бојс.
Групата Г ја освои Реал пред Рома, а за третата позиција се борат Викторија Плзен и ЦСКА Москва. Пораз на ЦСКА во Мадрид ќе им го обезбеди третото место на фудбалерите на Викторија.
Група Е:
21.00 Ајакс-Баерн Минхен
21.00 Бенфика-АЕК Атина
Табела: Баерн 13, Ајакс 10, Бенфика 4, АЕК 0
Група Ф:
21.00 Манчестер сити-Хофенхајм
21.00 Шахтјор-Лион
Табела: Манчестер сити 10, Лион 7, Шахтјор 5, Хофенхајм 3
Група Г:
18.55 Реал Мадрид-ЦСКА Москва
18.55 Викторија Плзењ-Рома
Табела: Реал 12, Рома 9, Викторија 4, ЦСКА 4
Група Х:
21.00 Јанг Бојс-Јувентус
21.00 Валенсија-Манчестер Јунајтед
Табела: Јувентус 12, Манчестер Јунајтед 10, Валенсија 5, Јанг Бојс 5
