Со оглед дека неколку фабрики за автомобили во Франција се затворија или ќе се затворат, тешко може да се очекува дека оваа земја ќе успее да го оствари резултатот од 2012-та година кога станува збор за производство на автомобили. Од погоните на автомобилските гиганти лани излегоа 1.9 милиони возила, а се очекува оваа бројка годинава да биде многу помала.
Франција како и другите земји во Европа е погодена од комбинацијта од големата невработеност и фокусот на големиот број на граѓани е да ги враќаат своите долгови, па така тоа резултираше со значителен пад на побарувачката за автомобили. Од друга страна, Британија нема вакви проблеми и нејзината индустрија за автомобили бележи подобри резултати од остатокот од стариот континент.
Предвидувањата укажуваат дека ваквиот тренд ќе продолжи до 2018-та година, па Велика Британија би можела да ја надмине Франција и да стане вториот најголем производител на возила во Европа, веднаш зад Германија која долго време е неприкосновен лидер. Исто така доколку продолжи ваквиот тренд можеме да очекуваме Романија да ја надмине Италија што ќе биде изненадување за сите.
