Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 8,997.21 2.49%    GRNT 860.00 3.42%    KMB 5,200.05 -0.07%    MPT 62,913.00 1.19%    OKTA 4,656.38 -0.08%    PPIV 41,102.00 0%    RMDEN10 98.00 -1.8%    RMDEN17 98.30 0%    SBT 2,350.00 -6%    SKP 54,000.00 0%    STB 1,012.09 -0.05%    TEL 290.00 0%    TKVS 5,350.00 -0.03%    TNB 15,499.05 -0.01%    UNI 2,067.06 -2.95%    

НБРМ: Натамошен раст на кредитите, пад на депозитната база

Време: 12:56

Датум: октомври 10, 2018

Категорија: ЕКОНОМИЈА

На 9 oктомври 2018 година се одржа редовна седница на Комитетот за оперативна монетарна политика на НБРМ, на којашто беа разгледани состојбите во домашната економија, движењата на меѓународните и домашните финансиски пазари и показателите за домашната економија во контекст на поставеноста на монетарната политика.

Комитетот оцени дека монетарната поставеност е соодветна на постојните економски и финансиски услови, при што одлучи да ја задржи каматната стапка на благајничките записи на нивото од 2,75%. На седницата, исто така, се одлучи понудата на благајнички записи, за аукцијата којашто ќе се одржи на 10 октомври 2018 година, да се задржи на нивото од 25.000 милиони денариОпшто земено и на оваа седница, Комитетот ги задржа досегашните согледувања за здрави економски основи и стабилни очекувања на економските субјекти, видливи преку поволните движења на девизниот пазар и растот на депозитната основа на банките. Ризиците за економијата од домашното, но и од надворешното окружување и понатамусе присутни.

Споредбата на последните макроекономски показатели за домашната економија со нивната проектирана динамика од априлскиот циклус проекции упатува на одредени отстапувања во одделни сегменти од економијата. Согласно со објавените проценети податоци, растот на БДП за првата половина од годината е послаб од очекуваниот, главно заради привременото запирање на дел од поголемите проекти во рамки на јавните инфраструктурни инвестиции. За третиот квартал, при ограничен обем на расположливи податоци, засега не може да се даде попрецизна оцена за состојбата во економијата, но сепак, најголемиот дел од високофреквентните податоци упатуваат на продолжување на поволните движења во економијата и во овој квартал од годината.

Во однос на инфлациските движења, во периодот јануари – септември, просечната годишна стапка на раст на потрошувачките цени изнесува 1,5%, што претставува надолно отстапување во однос на априлската проекција. Во услови на послаби остварувања, но и нагорна ревизија на надворешните влезни претпоставки кај проекцијата на инфлацијата, се оценува дека ризиците околу проектираната стапка на инфлација за 2018 година се врамнотежени.

Последните податоци за девизните резерви покажуваат раст во однос на крајот на претходната година, за што во голем дел придонесуваат и интервенциите со нето-откуп на девизи од страна на НБРМ. Растот кај девизните резерви е малку повисок од очекуваниот со априлската проекција, а анализата на показателите за адекватноста на девизните резерви покажува дека тие и понатаму се во сигурната зона. Расположливите показатели од надворешниот сектор за третиот квартал од годината засега се ограничени. Податоците за надворешнотрговската размена за периодот јануари – август укажуваат на малку повисок трговски дефицит во однос на априлската проекција, додека расположливите податоци за менувачкиот пазар покажуваат повисок нето-откуп. Во однос на остварувањата во вкупниот биланс на плаќања, податоците за првата половина од годината упатуваат на подобри остварувања и кај тековните и кај финансиските трансакции во однос на априлската проекција.

Првичните монетарни податоци за септември 2018 година покажуваат натамошен раст на кредитите, при забележано месечно намалување на депозитната база. Имено, во септември, депозитите забележаа мал пад, што произлезе од намалувањето на корпоративните депозити, додека штедењето на домаќинствата и натаму се зголемува. На кредитниот пазар, во септември, се забележуваат позитивни поместувања кај корпоративното кредитирање, коешто по намалувањето во претходните два месеца, во септември бележи раст и има најголем придонес кон растот на вкупните кредити. Воедно, продолжи и трендот на зголемување на кредитната поддршка на населението. Депозитните и кредитните текови во текот на третиот квартал се повисоки од очекуваните за овој период, при што и нивото на депозитите и на кредитите во септември го надминува проектираното.

Во периодот помеѓу двете месечни седници на Комитетот, денарските ликвидни средства на банките се намалија, под влијание на трансакциите на државата, што делумно беше надоместено со сезонски пониската побарувачка за денарска готовина.

На девизниот пазар Народната банка, и во текот на септември и првите денови од октомври, интервенира со откуп на вишокот девизи, придонесувајќи за умерено зголемување на денарската ликвидност на банките. Од почетокот на годината досега, вкупниот откуп на девизи од страна на Народната банка изнесува околу 250 милиони евра. Интервенциите ги одразуваат поволните поместувања на девизниот пазар во трансакциите на банките со корпоративниот сектор, но и поголемиот нето-откуп на менувачкиот пазар, а при истовремено солидна девизна ликвидност на банкарскиот систем.

Високата денарска ликвидносна позиција кај најголем дел од банките, и во септември придонесе за намален обем на тргување на пазарите на пари, а банките го пласираа поголемиот дел од вишокот денарски средства во расположливи депозити преку ноќ кај Народната банка.

Во септември, беше забележано зголемување на приносите на државните обврзници од двете страни на Атлантикот, под влијание на постепеното враќање на склоноста кон преземање ризик и потврдата за постепено намалување на монетарниот поттик во еврозоната. Имено, на последниот состанок на ЕЦБ беше потврдено дека, почнувајќи од октомври, ќе се намалува месечниот откуп на хартии од вредност во рамки на програмата за квантитативно олеснување, а претседателот Драги посочи на очекувања за натамошно приближување на инфлацијата кон целната инфлација, што создава простор за почеток на нормализирање на политиката во текот на наредната година. Централната банка на САД – ФЕД продолжи со започнатата нормализација на монетарната политика, така што по третпат во 2018 година, го зголеми целното ниво за распонот на каматните стапки, за 25 базични поени, на нивото од 2-2,25%. И покрај ваквата стабилизација, во текот на месецот на пазарите се појавуваше одредена неизвесност и зголемен интерес на пазарните учесници за инвестиции во сигурни финансиски инструменти. Оваа неизвесност беше реакција на ризиците околу фискалната позиција на Италија. Натамошното заострување на трговските тензии помеѓу САД и Кина, по стапувањето во сила на дополнителните царини воведени од страна на САД за увоз на кинески производи во вредност од 200 милијарди САД-долари, предизвика дополнителна пазарна неизвесност.

Општо гледано, на седницата беше заклучено дека од намалувањето на каматната стапка во август па досега, не се забележани поголеми промени во трендовите кај показателите клучни за монетарната политика. Последните макроекономски показатели и оцени кај одредени сегменти упатуваат на извесни отстапувања во однос на проектираната динамика, коишто засега не предизвикуваат поголеми промени во согледувањата за амбиентот во кој се спроведува монетарната политика. На седницата беше констатирано дека и натаму постојат ризици и од домашното и од надворешното окружување, при што Народната банка и натаму внимателно ќе ги следи сите економски и пазарни показатели во контекст на поставеноста на монетарната политика.

КОМЕНТАРИ

НАЈНОВО ОД КАТЕГОРИЈАТА

  • Златото руши рекорди

    Златото руши рекорди

    Цената на златото порасна за време на тргувањето во Азија, откако американската Управа на федерални резерви (FED) “ја отвори вратата” за понатамошно намалување на каматните…

  • Западните санкции Русија ја чинеа 50 милијарди, а ЕУ 240 милијарди долари

    Западните санкции Русија ја чинеа 50 милијарди, а ЕУ 240 милијарди долари

    Западните санкции ја чинеле Русија 50 милијарди долари, а ЕУ 240 милијарди долари од 2014 година, изјавил рускиот претседател Владимир Путин за време на годишната…

  • Поврат на ДДВ – најголем ќар за најбогатите

    Поврат на ДДВ – најголем ќар за најбогатите

    Наместо помош за најсиромашните, поддршка за најбогатите. Економскиот институт Finance Think пресмета дека од мерката „Поврат на ДДВ“ најмногу ќар ќе имаат оние со највисоки…

  • Грижата за животната средина, обврска за секој од нас

    Грижата за животната средина, обврска за секој од нас

    Граѓаните, трговците, индустријата и општините со своите јавни комунални претпријатија, како и колективните постапувачи се многу значајни алки од системот, кои мораат постојано да функционираат…

  • Недовербата во вакцините претставува “глобална криза”

    Недовербата во вакцините претставува “глобална криза”

    Јавната недоверба кон вакцините значи дека светот презема чекор назад во борбата против смртоносните заразни болести кои можат да се спречат, предупредуваат експертите, пренесува BBC.…

  • Компаративна анализа на понудата на цените за роаминг

    Компаративна анализа на понудата на цените за роаминг

    Институтот за развој на електронски комуникации ИНРЕКОМ Скопје, во текот на месец јуни 2019 година, спроведе анализа за цените во роаминг кај четирите македонски оператори:…

  • Од 1 јануари 2020 година сите аптеки може да влезат во мрежата во МЗ

    Од 1 јануари 2020 година сите аптеки може да влезат во мрежата во МЗ

    Од 1 јануари 2020 година сите аптеки кои се надвор од мрежата ќе може да влезат во мрежата аптеки во Министерството за здравство и со…

  • ,,Сакам добар однос со Кина и Русија”: Трамп потврди дека ќе се состане со Си Џинпинг и Владимир Путин следната недела

    ,,Сакам добар однос со Кина и Русија”: Трамп потврди дека ќе се состане со Си Џинпинг и Владимир Путин следната недела

    Американскиот претседател Доналд Трамп изјави денеска дека следната недела ќе се состане со рускиот претседател Владимир Путин на самитот Г20 во Јапонија. Трамп за американскиот…

  • Печалбарите за летно раздвижување на економијата и животот во Тетово

    Печалбарите за летно раздвижување на економијата и животот во Тетово

    Доаѓањето на печалбарите и иселениците во Тетово во текот на летните месеци е надеж за голем број трговци дека во текот на летото ќе имаат…

  • ФЕД сигнализира намалување на каматните стапки

    ФЕД сигнализира намалување на каматните стапки

    Федералните резерви на САД (ФЕД) сигнализираа намалување на каматните стапки уште во јули, велејќи дека тие се подготвени да се борат против растечките глобални и…