Најдобриот кошаркар на сите времиња, Мајкл Џордан, се наоѓа на листата со 1.500 најбогати луѓе во светот. Според листата што ја објави магазинот „Форбс“, Џордан тежи 1,65 милијарди долари, а само минатата година заработил 350 милиони долари.
Џордан добро знае како и каде да ги инвестира своите пари, а во тоа најмногу му помага неговиот бренд „Џордан“.
Тој на листата со 1.500 најбогати луѓе во светот се наоѓа на 1.477 место, а во САД е на 450. место.
Инаку, легендата на Чикаго Булс во сопственост ја има и НБА-франшизата „Шарлот Хорнетс“.