Не е важно колку добро работите, туку важно е со кого се дружите – тоа е само едно од бизнис правилата кои се заслужни за напредувањето во кариерата.
Иако е корисно со сите да имате добри односи, најважно е да бидете добар со шефот. Психолозите Итаи Стерн и Џејмс Вестпал, ова непишано правило, толку сериозно го сватиле, па дури започнале да истражуваат како да се биде најефикасен во тоа.
Клучна тактика е дека во ниеден случај не треба да изгледа дека се „упикувате“ или „улизувате“, туку треба да изгледа дека случајно ви излетала мислата дека шефот е паметен и способен. Тие тврдат дека најлесно ќе го направите тоа доколку комплиментите ги маскирате, на пример како во молбата за совет: Кажете ми на кој начин успеавте толку добро тоа да го завршите?
Основни правила во канцеларија:
-Шефот е секогаш во право
-Расправијата никаде нема да ве одведе
-Оние кои најмногу работат, добиваат уште повеќе работа. Сите останати добиваат зголемувања, поволности и унапредувања.
-Не е важно колку работиш. Важно е колку се фалиш со она што си го одработил и колку многу ги најавуваш плановите што планираш да ги сработиш.
-Кога шефот ќе каже „Мораме да работиме повеќе“, тоа не се мисли на тебе.
-Ако немате што следно да направите, одете брзо и изгледајте загрижено.
Во оваа ситуација препорачливо е во рацете да имате еден куп хартии за да изгледате како да сте преокупирани со работата.
Можеби советите ви делуваат чудно, но досега вредно и грижливо работевте а пак не сте меѓу омилените, променете ја тактиката – неверојатно е колку таа успева.
