Европската унија ги продолжи со половина година санкциите против Русија поради нејзините активности во Украина, станува јасно од порака на Советот на ЕУ. Санкциите ќе продолжат до 31-ви јануари 2019-та година.
Во соопштението е наведено дека одлуката е донесена откако лидерите на заедницата биле запознаени од германската канцеларка Ангела Меркел и францускиот претседател Емануел Макрон за имплементација на договорите од Минск, со што се поврзани и санкциите.
28 земји членки ја донесоа одлуката едногласно.
Санкциите се насочени против одбраната, финансискиот и енергетскиот сектор на Русија. Ограничен е пристапот на пет големи државни финансиски институции до европските пазари на капитал, како и на енергетските и компаниите од секторот на одбраната.
Исто така, постои забрана за увоз и извоз на оружје и предмети со двојна употреба.
Одлуката за продолжување на санкциите ќе влезе во сила на 9-ти јули, кога ќе биде објавено во Службениот весник на ЕУ.
