Приказната за мистичниот Египет, Вердиевата „Аида“, денеска традиционално ќе ги затвори и овогодишните 46. по ред Мајски оперски вечери.
„Љубовниот триаголник помеѓу робинката Аида, командирот на војската Радамес и принцезата Амнерис ќе нè пренесе во едно минато време, а изведбите на Ана Лукреција Гарсија (Венецуела), Валтер Фракаро (Италија) и Софија Јанелидзе (Грузија) ќе ни приредат волшебно искуство и задоволство. Во останатите улоги се нашите првенци Владимир Саздовски, Невен Силјановски, Марјан Јовановски, Александара Лазаровска Василевски и Марјан Николовски. Диригент е нашата Бисера Чадловска, а режијата на Дејан Прошев“, соопшти Македонската опера и балет.
МОБ настанот ѝ го посвети на Данка Фирфова по повод 100-годишнината од нејзиното раѓање.
