Најголемата хрватска нафтена компанија Ина ќе им исплати дивиденда на акционерите од вкупен износ од 343.6 милиони куни или 45.4 милиони евра, односно по 34.36 куни за акција.
Акционерите ќе се стекнат со право за исплата на дивидендите на 17-ти јуни оваа година, а се очекува исплатата да биде завршена најкасно до 17-ти јули 2013-та година.
Оваа одлука е донесена на собранието на компанијата на која глас дале 98.3 проценти од членовите на друштвото кои имаат право на глас.
На акционерите за време на собранието им биле презентирани консолидираните и неконсолидираните финансиски извештаи за 2012-та година, потоа извештајот на независниот ревизор, како и состојбата на друштвото и Ина Групацијата во 2012-та година.
