29 март, 2024
ПочетнаИНТЕРЕСНОКирил Лазаров го состави тимот тренери за четвртото издание од неговиот камп

Кирил Лазаров го состави тимот тренери за четвртото издание од неговиот камп

На 30 дена до стартот на четврото издание на ракометниот камп „Кирил Лазартов 7“, капитенот Кирил Лазаров го комплетираше тимот кој ќе работи со нашите кампери.

Лазаров: Тренерите се многу важен дел од успешноста на нашиот камп 

Од 20 јуни до 2 јули во комплексот ” Аквалина” во Охрид ќе се одржи четвртиот ракометен камп ” Кирил Лазаров 7″. Идеен проект на капитенот кој започна во 2015 година и прерасна во еден од престижните светски кампови, како од организаторски така и од содржински аспект. Ракометот како најатрактивен спорт во Македонија ги освојува децата кои својата надоградба ја гледаат со нивното учество на кампот и можноста да учат од Лазаров и неговиот тим.

Иако на почетокот беше замислен како камп во кој би доаѓале деца само од Македонија, името на Лазаров го направи овој камп интернационален. Камп во кој децата првенствено учат ракомет , поделени во неколку групи според возраста и познавањето на овој спорт. Организирани со два тренинзи на ден кои во себе ја носат професионалноста благодарение на тренерскиот тим на капитенот.

“Нашите тренери се еден од поважните фактори кои придонесува да имаме успешен и квалитетен камп. Сакаме и даваме шанса на сите квалитетни и амбициозни помлади тренери од Македонија кои сакаат да бидат дел од кампот, истовремено благодарни сме за прифаќањето на соработката од нивна страна. Покрај тренерските квалитети нашите тренери се пред се професионални и карактерни личности, со меѓусебна соработка и разговори споделуваме многу искуство од своите кариери со што се надоградуваме како индивидуално така и колективно. Секоја година имаме и по неколку тренери гости од странаство, од различни европски школи специјализирани и со богата тренерска биографија за работа со помлади категотии. Отворени сме за соработка за да можеме од година во година да го подигнуваме нивото на квалитет од тренерски агол. Функционираме како една голема фамилија, а тоа децата знаат да го препознааат, пример кој ќе им служи како одлична насока во иднина не само додека ги градат своите кариери туку воопшто во животот”, изјави Лазаров кој со децата е заедно 24 часа.

Ракометниот камп на капитенот е отворен за сите тренери кои сакаат да бидат дел од него. За сите кои со своето знаење и стручна работа со децата ќе остават впечаток и сами ќе си направат место во тимот како што е случај со актуелните тренери на кампот. Минатата година наши гости беа тренери од Данска, Германија , Босна и Херцеговина, оваа година, своето искуство ќе го пренесат тренери од различни земји.

Морген Вајс некогашниот селектор на младите дански репрезентативци, Патрик Петерсен најнаградуваниот млад дански тренер кој во моментов е дел од РК ” Ајакс Копенхаген”, ќе го посетат кампот.

Уште едно големо име во светскиот ракомет Оља Кецман некогашната брилијантна репрезентативка на Југославија, денес врвен тренер во женскиот ракомет ни доаѓа од Данска. Нашата врвна ракометарка Наташа Коцевска која бундеслигашкото искуство и оваа година ќе го пренесе на девојките од кампот. Дел од тимот ќе бидат и тренерите кои се задолжени за преку 500 деца од школата за ракомет на капитенот.

На кампот покрај учењето ракомет децата се социјализираат преку заедничкото секојдневие кое им е организирано со многу различни содржини. Им се остава можност да ги покажат сите свои дарби и интереси надвор од теренот. Таму учат како да бидат добри поединци, корисни за општеството.

Таму се сите исти без оглед кој од каде доаѓа.
СЕ ГЛЕДАМЕ ВО ОХРИД !

НАЈНОВИ ВЕСТИ

ХОРОСКОП