Семејството Малуф го финализира договорот за продажбата на Сакраменто Кингс на група инвеститори на чело со софтверскиот магнат „Vivek Ranadive“. Новите сопственици добија 65 проценти од акциите на тимот, а договорот се проценува на повеќе од 534 милиони долари.
Досегашниот рекорд во НБА беше договорот за продажба на Голден Стејт Вориорс кој во 2010-та година беше продаден за 450 милиони долари. Интересен е фактот дека пред да ја преземе контролата над „кралевите“, „Vivek Ranadive“ беше малцински сопственик токму на „воините”.
Семејство Малуф 14 години беше на чело на Сакраменто Кингс, а во овој период „кралевите“ седум пати дојдоа до плеј-офот во НБА, а во 2002-та година играа во финалето на конференцијата.