Филмот „Исцелител“ кој одбележа успех во Македонија и ширум светот, ќе се прикажува на каналот „Синемакс“, најголемата светска телевизиска мрежа HBO. Филмот премиерно ќе се емитува во екслузивен термин за Нова година во 14 земји во Европа, а ќе биде достапен и на услугата видео на барање – HBO GO.
„Синемакс“ е интелигентна филмска програма која се фокусира на класика, култни филмови, евергрини, како и меѓународни и европски сензации од филмските фестивали. Филмската програма на „Синемакс“ прикажува врвни актери и режисери во неповторливи приказни, а гледачите уживаат во разновидна програма со шокантни наслови, трилери, хорори и серии.
