Фудбалерот на Реал Мадрид Марко Асенсио го продолжи договорот со клубот до 30.јуни 2023 година.
Асенсио во Реал пристигна во 2014 година, но клубот веднаш го испрати на позајмица најпрвин во Мајорка, а потоа во Еспањол.
Минатата сезона во клубот го врати Зинедин Зидан. Досега за Реал има одиграно 48 натпревари и постигнато 14 голови. Со Реал ги освои трофеите во првенството на Шпанија, Суперкупот на УЕФА, Суперкупот на Шпанија и Лигата на шампионите.
Претходно, Реал ги продолжи договорите со Карим Бензема, Рафаел Варан, Иско, Марсело и Дани Карвахал.
