Бугарија почна да гради складиште за нуклеарен отпад во близина на својата единствена нуклеарна централа „Козлодуј“.
Бугарската министерка Теменушка Петкова рече денеска дека проектот кај „Козлодуј“ е многу важен за развој на нуклеарната енергија во Бугарија.
Радиоактивниот отпад од ниска и средна јачина, која ќе биде складиран на тоа место, потекнува од четирите стари реактори на оваа централа.
Бугарија затвори четири реактори од советско производство во „Козлодуј“ од безбедносни причини, што и беше услов за да влезе во ЕУ во 2007 година.
Во „Козлодуј“, кој се наоѓа на Дунав, блиску до тромеѓето со Романија и Србија, останаа уште два реактора од советско производство.
Фондот кој го управува Европската банка за реконструкција и развој (ЕБРД) го финансира проектот со 73 милиони евра.
