Ливерпул потврди дека постигнал договор со Лајпциг околу трансферот на Наби Кејта (22) кој на „Енфилд“ ќе пристигне наредната сезона.
Тренерот на Ливерпул, Јирген Клоп, сакаѓа да го потпише Кејта уште оваа сезона, но Лајпциг кој ќе настапува во Лигата на шампионите не сакаше да се откаже од неговите услуги.
Кејта во својот договор има откупна клаузула од 62,14 милиони евра која во сила ќе стапи од наредната сезона, а Ливерпул се согласи да го плати овој износ. Исто така „црврените“ ќе плати и непознат износ на пари како премија, само да го обезбеди трансферот на репрезентативецот на Гвинеја.
Кејта минатата сезона за Лајпциг потигна осум голови на 31 натпревар во Бундеслигата и му помогна на клубот да го освои второто место.