Манчестер Јунајтед во текот на денов би требало да ја официјализира соработката со Немања Матиќ, а доколку тоа се случи, српскиот репрезентативец в среда би можел да дебитира во дресот на „црвените ѓаволи“.
За англиските медиуми нема дилема дека Матиќ е нов играч на Манчестер Јунајтед, а според нив тој треба да го потпише договорот пред тимот да замине за Даблин, каде в среда Јунајтед ќе одигра пријателски меч со Сампдорија.
Дуелот се игра со почеток во 20:45 часот, а доколку Матиќ во текот на денот го потпише договорот, тогаш тој против Сампдорија ќе дебитира за Манчестер Јунајтед.
Трансферот на српскиот репрезентативец се проценува на околу 40 милиони фунти.
