МЗТ Скопје Аеродром ја одбрани титулата во домашното првенство, откако во решавачкиот петти меч од финалната серија во плејофот славеше над Карпош Соколи 86:82.
МЗТ ја освои шестата титула во последните шест години. Овој трофеј е посебен и за предводникот на МЗТ, Анте Назор, бидејќи е прв во неговата сениорска кариера.
Карпош Соколи не успеаја да го освојат трофејот, но оваа сезона за нив е историска, играа во АБА лигата и го освоија Купот на Македонија.
