Bank of America оствари 44% раст на тримесечната добивка за периодот јануари-март 2017-та година, со оглед на засилените добивки од кредитната и трговската дејност, пренесува „Ројтерс“.
Втората најголема банка во САД денеска соопшти дека нето профитот се зголемува до 4,35 милијарди долари од 3,02 милијарди долари во првиот квартал од минатата година.
Добивката по акција расте до 41 центи од 28 центи година порано. Консензус прогнозата на аналитичарите анкетирани од „Thomson Reuters“, беше за профит од 35 центи по акција.
Нето приходите на доверителот забележаа раст од 7% на годишно ниво до 22,25 милијарди долари. Нето каматните приходи за кварталот достигнува 11.06 милијарди долари, што е за 5,5% повеќе на годишна основа.
Ако се исклучат различните еднократни ефекти, трговските операции на банката донесоа 4 милијарди долари, што е за 21,2% повеќе на годишна основа. Приходите од трговијата со алатки со фиксен приход забележуваат раст од 29%, а од трговијата со хартии од вредност од 7%.
„Bank of America“ оствари и рекордни приходи од надоместоци во инвестициското банкарство – 1,6 милијарди долари за првиот квартал.
Истовремено трошоците на доверителот остануваат речиси без промена на ниво од 14,85 милијарди долари и покрај ветувањето на раководството нејзините економии да се приоритет и до 2018-та година трошоците да бидат намалени со дополнителни 5 милијарди долари.
Акциите на финансиската институција поскапеа за околу 1% во прелиминарните акции во Њујорк.
Американските банки се оживееа заради пазарната активност поддржани од т.н. „Ефект Трамп“, како и од повисоките камати, за кои се очекува да бидат дополнително зголемени во оваа година, како што навестија Федералните резерви на САД.
„Bank of America“ потпира главно на каматата за максимизирање на профитот, бидејќи поседува голем обем на депозити и чувствителни на каматата хипотекарни обврзници, забележува новинската агенција.
