Двајца од фудбалерите на Реал Мадрид влегоа во видното поле на Јувентус. Според гласините, раководството на „старата дама“ имаа во план во своите редови да ги донесат Фабио Коентрао и Гонзало Игуаин.
Според медиумите во Италија следната недела претставници на Јувентус ќе заминат на преговори во Мадрид каде што ќе се обидат на состанокот со раководството на „кралскиот клуб“ да договорат трансфер на овие двајца фудбалери.
Во оваа сезона Фабио Коентрао одигра 14 натпревари за шпанскиот гигант, во кои реализираше еден гол и една асистенција. Додека Гонзало Игуаин се појави на теренот 23 пати во натпреварите на Реал Мадрид. Тој има постигна 13 погодоци и асистираше за уште 5.
