Премиерлига го избра играчот на Тотенхем, Герет Бејл за најдобар фудбалер во сезоната 2012/2013, додека во идеалниот тим се најдоа четири играчи од новиот шампион на Англија, Манчестер Јунајтед.
Од „Олд Трафорд“ тука се Давид де Геа, Рио Фердинанд, Мајкл Керик и Робин ван Перси. Боите на Сити ги бранеше само Пабло Забалета, а пак Челзи имаше двајца претставници, Еден Азар и Хуан Мата.
Покрај Бејл честа на Тотенхем ја бранеше уште и Јан Фертонген, Луис Суарез го претставуваше Ливерпул, а пак Лејтон Бејнс екипата на Евертон. Арсенал нема ниту еден претставник во првиот тим на Премиерлигата.
Покрај признанието за играч на сезоната, 23-годишниот Бејл ја освои и титулата за најдобар млад фудбалер. Велшанецот оваа сезона постигна 19 голови на 30 средби, а притоа додаде и четири асистенции.
Па така помина и четвртата сезона во која играчот на годината не е фудбалер од редовите на шампионот. Последниот кој ја освои Премиерлигата и беше играч на сезоната е Рајан Гигс во 2009-та година.