Фудбалерите на Интер Мауро Икарди и Иван Перишиќ се суспендирани од два натпреври поради црвените картони кои ги добија во неделата, на натпреварот со Јувентус.
Јувентус минимално го победи Интер со 1:0 во „Дербито на Италија“ и ја прекина серијата од седум победи во која се наоѓаше екипата од Милано.
Во финишот на натпреварот Перишиќ поради приговор доби црвен картон, додека главниот судија Никола Рицоли на Икарди му покажа црвен картон. Капитенот на Интер жестото протестираше, а потоа во знак на протест ја шутна топката во правец на судијата.
Икарди е казнет и парично со 10.000 евра.
Перишиќ и Икарди ќе ги пропуштат натпреварите против Емполи и Болоња.