„Deutsche Bank“ беше казнета со 630 милиони долари од американските и британските регулатори во врска со планот за перење пари во Русија, пишува „ВВС“.
Врз основа на шемата клиентите илегално изнеле 10 милијарди долари од Русија преку акции, купени и продадени преку филијалите на банката во Москва, Лондон и Њујорк. Според властите „Deutsche Bank“ пропуштила „многу можности“ да се закани, истражува и да ја запре шемата.
Банката соопшти дека ќе им помага на регулаторите. Таа исто така одвои пари за покривање на трошоците за решавање на спорот. За време на истрагата, властите во Њујорк и британската Служба за финансиско однесување (FCA) утврдиле дека т.н. „Огледални трансакции“ се извршени од банката меѓу 2011-та и 2015-та година.
Клиентите купувале акции во рубљи во Москва, пред нивните колеги да ги продадат истите акции по иста цена преку филијалата на банката во Лондон.
„Доколку ја претвораат рубљата во долари преку трансакции со хартии од вредност, без никаква конкретна економска цел, шемата им помогнала на „лошите играчи“ во оваа финансиска институција да постигнат нечисти зделки, избегнувајќи ја усогласеноста со важечките закони“, се вели во правниот документ.
Регулаторите ја обвинуваат банката дека не ја забележала измамата и дополнуваат дека вршела бизнис во несигурен начин. Покрај тоа одделенијата за борба против финансискиот криминал на банката се неефикасни и со недоволен број вработени.
Вкупно властите во Њујорк и одредија парична казна на банката од 425 милиони долари, а британската „FCA“ наметна парична казна од 163 милиони фунти, или околу 204 милиони долари. Освен што треба да ги плати казните, „Deutsche Bank“ ќе треба исто така да ангажира надворешен набљудувач, кој треба да ги прегледа внатрешните мерки за усогласување со законите.
Во понеделникот регулаторите во Велика Британија и САД им одредија парична казна на уште три банки за кршење на законите за перење на пари. Италијанската „Intesa Sanpaolo“ беше казнета со 235 милиони долари, „Agricultural Bank of China“ со 215 милиони долари и „Mega Bank of Taiwan“ со 185 милиони долари.
