Во соработка со Амбасадата на Република Македонија во Варшава – Полска, фирмата Росомак С.А. од Полска, која е производител на воена опрема, додели на Република Македонија донација која се состои од опрема за справување со поплави.
Опремата ја сочинуваат пумпи за вода и кал со различен капацитет со вкупен број од околу 280 парчиња, како и соодветни црева и резервни делови за истите, агрегати за електрична енергија со различен капацитет околу 30 парчиња и 51 носило.
Опремата е пристигната во Македонија и е сместена во магацините на Дирекцијата за заштита и спасување. Официјалното примопредавање и потпишување на договор за донација помеѓу Росомак С.А. и ДЗС ќе се одвива во просториите на Дирекцијата за заштита и спасување во касарната Гоце Делчев во Скопје во среда.
