Членот на англиската Премиерлига, Ватфорд, се наоѓа под истрага, бидејќи како што пренесува The Telegraph, постои сомнеж дека клубот го фалсификувал финансискиот статус.
Telegraph тврди дека поседува докази оти клубот пред сезоната 2014/2015 кога Ватфорд го презел Џино Поцо, доставил лажен финансиски извештај за да може да добие кредит од седум милиони фунти.
Ватфорд минатата сезона успеа да избори опстанок во Премиерлигата, а доколку обвинувањата бидат потврдени, тогаш клубот може да биде казнет со одземање бодови.
Според истиот извор, фалсификуваните документи покажуваат дека холдинг компанијата која е сопственик на Ватфорд (Hornets Investmend Ltd) имала доволно средства за да ја добие споменатата банкарска гаранција, која потоа ѝ овозможила да ја преземе контролата врз клубот.
Весникот истакнува дека не постојат индиции дека Поцо знаел дека вакво писмо постои или дека тој е автор на писмото.
Ватфорд во моментов се наоѓа на деветтото место во Премиерлигата со 12 освоени бодови.
