Манчестер Сити го купил од Барселона голманот Клаудио Браво пренесува дневниот весник Marca. Сити за 33-годишниот голман платиле 16 милиони фунти, а во зависност од успесите и резултатите Барселона може да заработи дополнителни четири милиони.
Весникот Marca пренесува дека трансферот официјално ќе биде комплетиран во наредните денови, кога голманот ќе ги мине медицинските прегледи.
Трансферот на Браво значи и збогување на англискиот репрезентативец Џо Харт со Манчестер Сити. Харт последните денови се поврзува со трансфер во Евертон.
