Полската влада го поддржа во вторник планот за намалување на условите за заминување во пензија од 67 години за обата пола, на 60 години старост за жените и 65 за мажите, пренесува AP.
Намалувањето на условите за пензионирање беше едно од клучните ветувања на Партијата на законот и правото и нивниот кандидат за претседател Анджеј Дуда за време на минатогодишната изборна кампања.
Владата во вторник го поддржа предлогот на претседателот на Полска, но се очекува официјална потврда и во парламентот, за да биде преточен во закон.
Новиот закон би можел да стапи на сила дури на 1 октомври 2017 година.
