Организаторите на отвореното првенство на Франција одлучија да го прошират наградниот фонд на турнирот за 3.3 милиони евра, па така и тенисерите елиминирани во раните кругови ќе добијат поголема добивка.
Денес беше објавено дека оваа година вкупниот износ ќе изнесува 22 милиони евра и се очекува освојувачите на трофеите во двете конкуренции да добијат секој по 1.5 милиони евра што е за 250 илјади повеќе од 2012-та година.
Играчите елиминирани во вториот, третиот и четвртиот круг на „Ролан Гарос“ ќе добијат 25 проценти повеќе во споредба со 2012-та година. Се очекува до 2016-та година наградниот фонд да се зголеми за уште 10 милиони евра.
