Странците што имаат големи сметки во кипарските банки ќе добијат можност да се стекнат со кипарско државјанство, изјави кипарскиот претседател Никос Анастасијадис.
Сите што поседуваат депозити во кипарските банки до 15 март годинава и сега имаат загуби од над три милиони евра, можат да поднесат барање за добивање на кипарско државјанство, изјави претседателот на Кипар.
Анастасијадис нагласи дека даночни олеснувања ќе има и за компаниите што решиле да останат на островот. Тоа се однесува и за компаниите кои во блиска иднина планираат да отворат свои претставништва во земјата.
