Првиот флексибилен мобилен телефон на светот со екран направен од графен на пазарот би требало да се појави до крајот на 2016-та година.
Уредот на кинеската компанија „Moxi Group“ е толку флексибилен, така што може да се носи на раката како нараквица.
Графенот, револуционерниот материјал од кој телефонот е направен, во 2004-та година го создадоа научниците Андре Гајм и Костја Новоселов од Универзитетот во Манчестер, кои за својот изум добија Нобелова награда.
Графенот е потенок од влакно коса и е 200 пати појак од челикот.
Компанијата „Moxi“ најавува дека до крајот на годината ќе испорача 100.000 нови мобилни телефони по цена од 776 долари.
Телефонот за почеток ќе има едноставен црно-бел екран, но компанијата претстави и верзија во боја, која ќе има можност да прикажува видео снимки.
Неговата должина ќе изнесува 5,2 инчи и ќе тежи 200 грама.
