Златото поскапе за 19% од почетокот на годината, така што ја помина за момент психолошката граница од 1.300 долари за прв пат по 15 месеци наваму.
И иако благородниот метал се врати на нивоа на трговија од околу 1.265 долари за унца, неговата побарувачка расте значително. Купувачите во Индија се вратија кон пазарот на злато, а во исто време побарувачката во САД е највисока во последниве 30 години.
Не само индивидуалните инвеститори брзаат да купуваат злато. Тоа го прават и централните банки во светот. Според податоци на „World Gold Council“ централните банки купиле 45 тони злато во првите три месеци од годинава, што е зголемување од 28% во однос на истиот период од минатата година.
Меѓу централните финансиски институции најмногу купувале банката на Русија (46 тони), Кина (35 тони) и Казахстан (7 тони).
Главната причина за тоа централните банки да купуваат злато е нивниот стремеж да се прошират доларските резерви против нестабилноста на американската валута. Историски гледано цената на златото е негативна во корелација со трговијата на долари, па обично поевтинувањето на доларот е поврзано со поскапувањето на нафтата.
Според експертите од „Сapital Economics“, силна побарувачката на злато во првите три месеци од страна на централните банки може да е индикација за понатамошните добри перформанси во побарувачката и во овој квартал. Се повеќе се зголемува бројот на пазарните учесници, па поради тоа се прогнозира понатамошен раст на цената на златото од 1.400 до 1.500 долари за унца.