Тренерот на Јувентус, Масимилијано Алегри, потврди дека и наредната сезона ќе ја предводи „Старата дама“ и покрај интересот шти за неговите услуги го покажуваат неколку големи европски тимови.
Реал Мадрид и Челзи, според медиумите, покажувале сериозен интерес за Алегри, но сепак екс тренерот на Милан нема намера да ја менува средината.
„Наредната сезона ќе бидам тренер на Јувентус, бидејќи имам да одработам уште една година од договорот. Не сум имал контакт со други тимови. Се ближиме кон крајот на сезоната, во позиција сме да ја освоиме двојната круна, а ќе видиме што ќе се случи во Лигата на шампионите“, рекол Алегри.
Алегри на клупата на Јувентус седна во 2014 година и веднаш ја освои двојната круна и стигна до финалето во Лигата на шампионите.
