Сообраќајот на сите патни правци низ државата се одвива без забрани, по суви коловози. Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата.
Од Авто мото сојузот на Македонија информираат дека денес, среда, во периодот од 13:00 до 15:00 часот, во времетраење од 15 до 20 минути, ќе има прекин на сообраќајот поради изведување на градежни работи (минирање) на патниот правец Кичево – Охрид кај месноста Врбјани.
АМСМ препорачува внимателно возење, прилагодена брзина на движење, почитување на поставената сообраќајна сигнализација.
