Започна изградбата на мал плоштад на спојот на улица “Пиринска“ со булеварот “Св. Климент Охридски“.
„На местото на несредениот паркинг, оштетен асфалт и подлога и бандери од кои висат кабли, на површина од околу 300 м2, ќе никне пјацета, хортикултурно уредена, со јавно осветлување и нова урбана опрема“, се вели во соопштението од Општина Центар.
Според планот, предвидено е да бидат поставени клупи, држачи за велосипеди и корпи за отпадоци. Просторот ќе биде поплочен со висококвалитетни плочи од гранит и травертин. Материјалите се карактеризираат со трајност, квалитет и долговечност, лесно се одржуваат и се во склад со најсовремените светски стандарди за партерно уредување.
