Советот на општина Дебар донесе одлука да дозволи на Јавното Комунално Претпријатие Стандард да побара кредит од Стопанска банка за да ги исплати придонесите за пензиско и инвалидско осигурување за цели 12 години 2002 – 2014 година, кога платите се земале без да се платат придонеси.
Директорот на Стандард Мазлим Леши рече дека по контактите со Владата и Општина Дебар е заклучено дека нема друго решение освен самокредитирање на претпријатието.
Вработените се согласни да се земе кредит во висина од 860 илјади евра додаде Леши.
Техничкиот директор Фатмир Алили објасни дека станува збор за кредит кој треба да се плаќа 15 години со месечна рата од 6.700 евра.
Во јавното претпријатие Стандард во кое се вработени над 100 лица, платите во 2015 година се добивани со претходна наплата на придонесите, но поради тоа што придонеси не се наплатувани 12 години повеќе поранешни вработени заминати се во пензија со понизок работен стаж.
