Од швајцарски „Swatch“ беше објавено дека потпишале партнерски договор со „Visa Europe“ за соработка во проектот за мобилно плаќање.
Сите корисници на „Visa“ кредитните картички во САД, Швајцарија и Бразил во почетокот на 2016-та година ќе добијат можност во продавниците да плаќаат со системот „pay-by-the-wrist“.
Мобилното плаќање ќе биде овозможено со помош на часовникот „Swatch Bellamy“, во кој има вградено „NFC“ чип, и тоа на сите продажни места на кои може да се користат бесконтактните картички на „Visa“, беше потенцирано во заедничкото соопштение на „Swatch“ и „Visа“.
Овој начин на плаќање нема да користи електрична енергија од самиот часовник, па од „Swatch“ уверуваат дека со користењето на „NFC“, батеријата на нивниот уред нема да трае пократко.
