Неодамна „Credit Suisse“ објави извештај според кој половина од светското богатство во моментов е во сопственост на 1% од населението, потсетуваат од „World Economic Forum“ (WEF).
Степенот на глобална нееднаквост претставува предизвик за општествата во целиот свет, додека владите и меѓународните организации се обидуваат да промовираат одржлив и инклузивен раст. Светска банка проценува нееднаквоста во земјите во светот, користејќи го индексот GINI – индикатор за степенот до кој приходите се отстапува од совршено рамномерна распределба. Според скалата на индексот „0“ претставува целосна рамноправност, а 100 – целосна нееднаквост. Графиконите изготвени од „WEF“ ги презентираат резултатите за 2013-та година – последната година со достапни податоци.
Картата претставува интересна слика на глобалната нееднаквост, каде голем дел од светот се враќа кон високо ниво на нееднаквост, вклучувајќи на многу места во Азија, Африка и американските континенти. За разлика од нив, Европа, особено на исток и во скандинавските земји, покажуваат најниски нивоа на нееднаквост.
Во однос на американските континенти најниски нивоа на нееднаквост се евидентираат во Канада со 33,68 поени на индексот „GINI“, но со тоа земјата сепак е доста надолу во листата. За споредба, САД има 41,06 поени, што ги става меѓу Мадагаскар и Русија. Во Јужна Америка голем дел од континентот постигнува високи резултати според скалата „GINI“, а резултатите на Бразил, Колумбија и Чиле се над 50 поени.
Источна Европа и Скандинавија се на пониски позиции на скалата, па Украина, Норвешка и Финска се меѓу најдобрите земји во светот. Генералната слика за Европа, особено во споредба со остатокот од светот, е генерално пониски нивоа на нееднаквост, како и релативно компатибилни нивоа помеѓу земјите на континентот.
За Африка има сериозен недостиг на податоци во споредба со остатокот од светот, но мапата сепак претставува слика на релативно висока нееднаквост. Три африкански земји имаат над 60 поени. Некои земји сепак постигнуваат релативно ниски резултати, на пример Нигер и Етиопија.
Ситуацијата во Азија е крајно разновидна, затоа што некои земји забележуваат релативно висока нееднаквост, додека кај други нивоата се многу пониски. Киргистан постигнува резултат на индексот „GINI“ од 27,4 поени, додека на другиот крај на листата се Филипините со над 40 поени.