29 март, 2024
ПочетнаТЕХНОЛОГИЈАWindows Phone го надминал iPhone

Windows Phone го надминал iPhone

mikro

Кога е во прашање уделот на пазарот „Windows Phone“ производите се далеку зад оние на „Android“ и „iPhone“ со само 3 проценти. Меѓутоа кога Френ Шо, шефот на одделението за односи со јавноста во „Microsoft“, изјави дека „Windows Phone“ го надминал „iPhone“ во седум земји ширум светот во четвриот квартал од минатата година многумина беа зачудени.

„New York Times“ бараше од фирмата „IDC“, чии резултати ги наведуваше Шо, да објасни за што точно се работи. Во точно кои земји „Microsoft“ го надминал „iPhone“?

Судејќи по нивните податоци во прашање се шест земји, Аргентина, Полска, Индија, Русија, Јужна Африка и Украина, додека седмата земја е всушност „остатокот од централна и источна Европа“.

Кевин Рестиво еден од аналитичарите на „IDC“ се обиде работите да ги стави во контекст. „Windows Phone“ е всушност 100.000 единици пред „iPhone“ во Украина, Јужна Африка и „остатокот од централна и источна Европа“.

Исто така во некои земји постои т.н. „сив“ пазар на мобилни телефони, кој „IDC“ не го земал во предвид, затоа што е многу тешко да се одредат точните бројки од продажбата на телефони.

Рестиво исто така додал дека „Windows Phone“ добро се продава и во земјите во кои „Nokia“ има силна поддршка, која воедно е и партнер на „Microsoft“.

Во тие земји има помалку испорачани „iPhone“ уреди поради високата цена и малото интересирање на операторите.

НАЈНОВИ ВЕСТИ

ХОРОСКОП