Легендата на Рома, Франческо Тоти, денеска го одбележува 20-годишен јубилеј во италијанската Серија “А”.
Фудбалерот дебитираше за „римската волчица” на 16-годишна возраст на 28-ми март 1993-та година на натпреварот против Бреша. Тој остана верен на својот матичен клуб и за две децении во дресот на римјаните реализира вкупно 295 гола, од кои 226 во Серија А, со што го зазема второто место на вечната листа на најдобри стрелци во италијанското фудбалско првенство.
Тоти и помогна на Рома да стане шампион во 2001-та година, а со репрезентацијата на Италија ја освои светската титула во 2006-та година. Оваа сезона тој има 11 гола во 26 натпревари за „римската волчица”.
