Народна банка на Република Македонија ја ревидираше последната проекција за економски раст за оваа година од 4,1 отсто на 3,2 отсто.
И покрај намалување на бруто домашниот производ (БДП), НБРМ и понатаму очекува солиден економски раст.
За следната година НБРМ очекува економски раст од 3,5 отсто, а за 2017 година четири отсто.
Растот за оваа година, според НБРМ, главно ќе се базира на извозот и инвестициите, а дополнителен придонес ќе има и личната потрошувачка.
Кога станува збор за инфлацијата, НБРМ истакна дека за оваа година ќе биде близу нулата, а за 2016 ќе има корекција и ќе изнесува 1,5 отсто.
Со првичната проценка на економскиот раст, нашата држава беше лидер во регионот, ќе видиме дали така ќе остане до крајот на годината.
