Исклучителна понуда пoдготви раководството на Анжи (Махачкала) за голманот на Барселона, Виктор Валдес. Голманот има договор со каталонскиот клуб до следното лето и одби да го обнови.
Според „Марка“ Русите се во можност да му платат по 10 милиони евра по сезона. Во зависност од успесите на тимот, како и неговите на голот на тимот, Валдес може да заработи дополнително бонус од 2 милиони евра.
Во случај да дојде до договор шпанскиот репрезентативец ќе стане најскапо платениот голман во историјата на фудбалот. Не е исклучена можноста во текот на летото Виктор Валдес да облече дрес на друг тим.