Екипата на францускиот филм A Fond го заврши снимањето на скопската обиколница и од вторник, сетот се сели на нова локација Магистралниот пат А1, делницата од мотел Македонија до Градско ќе биде затворена за сообраќај од 5 – 18 часот, а сообраќајот ќе се одвива по стариот пат кој е обележан со соодветна сигнализација. Снимањето е планирано да се одвива во работни денови.
Поради обилни врнежи од дожд локалниот пат с. Ропаљце према с. Никуштак е во прекин.
Сообраќајот на сите државни патишта се одвива по влажни коловози.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево и Виница – Берово, каде е можна почеста појава на одрони.
Интензитетот на сообраќај на патните правци надвор од градските средини е умерен.
На граничните премини нема подолги задржувања за влез и за излез од државата. Оваа информација се однесува само за македонската страна на премините.