29 март, 2024
ПочетнаЕКОНОМИЈАНовиот план за спас на Кипар предвидува 15-процентен данок за банкарските заштеди

Новиот план за спас на Кипар предвидува 15-процентен данок за банкарските заштеди

20130323-180113.jpg

Новиот „план Б“ за спас на Кипар, што кипарските власти го разгледуваат со кредиторите од еврозоната, предвидува воведување данок на заштедите во кипарските банка поголеми од 100.000 евра во висина од 15 проценти, соопшти вечерва извор во Владата во Никозија.

Кипарскиот Парламент пред неколку дена го отфрли владиниот предлог за даночна стапка од 9,9 отсто на сите банкарски депозити повисоки од 100.000 евра, но откако пропаднаа сите други обиди за обезбедување на неопходните средства за спас на кипарската економија, Владата во Никозија повторно се реши за идејата за оданочување на заштедите во кипарските банки.

– Во тек се најсудбносните преговори во нашата исторја. Секој ќе треба да плати одредена цена, но тоа ќе ни овозможи нов почеток, нагласи владиниот извор кој побарал анонимност.

Попладнево, потпретседателот на владејачката партија Демократски собир (ДИСИ), Авероф Неофиту соопшти дека е можно во следните неколку часа да биде постигнато решение за кипарската криза.

– Постои одреден оптимизам дека во следните неколку часа може да се постигне договор за платформа, така што Парламентот ќе ги прифати овие специфични мерки кои ќе бидат согласно рамката и целите, договорени на последната седница на Еврогрупата, истакна Неофиту.

Новите оптимистички најави од Никозија доаѓаат откако денеска еврогрупата го отфрли стабилизацискиот план, што синоќа го предложен Владата на Кипар. Европските лидери изразија најголемо негодување во однос на предлогот за национализација на приватните пензиски фондови.

НАЈНОВИ ВЕСТИ

ХОРОСКОП