Владата на Кипар повторно размислува за оданочување на заштедите во кипарските банки, како дел од мерките за излез на земјата од финансиската криза, најави пратеникот од редовите на владејачкиот конзервативен Демократски собир (ДИСИ), Продромос Продрому.
Според Продороуму, како што јави ДПА, оданочувањето ќе се однесува само на „големите заштеди“.
Најавата за повторно разгледување на идејата за оданочување на заштедите доаѓа во исто време со информациите дека еврогрупата го отфрлила новиот стабилизациски план што вчера го предложи Кипар.
