Најголемиот кинески производител на паметни телефони „Xiaomi“ се подготвува за претставување на подобрена верзија на еден од најпродаваните смартфони – моделот „Redmi Note 2“.
Според информациите кои се појавија на интернет, моделот се очекува да е со 5.5-инчен дисплеј со резолуција од 1920 х 1080 пиксели. Многу е можно тој да биде претставен само во верзија „4G“ со процесор „Qualcomm Snapdragon 615“.
Сепак, според други информации, можеме да го видиме моделот и во уште една верзија – „3G“, која ќе е со осумјадрен 64-битен процесор од „Mediatek“ (MT6795). Уредот ќе располага со 13 мегапикселна задна и 5 мегапикселна предна камера.
Батеријата најверојатно ќе има капацитет од 3.100 mAh, а оперативниот систем се очекува да е „Android 5.0.2 Lollipop“ и „Android 5.1 Lollipop“.
Од „Xiaomi“ засега не ги потврдија спецификациите на новиот модел, а цената на евтиниот смартфон се очекува да биде околу 157 долари.