„Honda“ објави нови фотографии од својот мал „SUV“ модел пред почетокот на продажбата на европскиот пазар.
Јапонскиот производител се вклучува во растечкиот сегмент на подкомпактни „SUV“ возила со моделот „HR-V“. Во класата во која конкуренцијата е се поголема, „Honda“ ќе се обиде да ги превземе купувачите на автомобили на другите брендови.
Во компанијата очекуваат 70 отсто од идните сопственици на „Hondа HR-V“ во Европа да бидат клиенти кои претходно возеле автомобил на некој друг производител, пред се „MPV“ или хечбек.
Со должина од 4,3 метри, „Honda HR-V“ е насочен кон младите купувачи, самците, како и паровите кои се уште немаат деца, како и на оние кои при изборот на возило им се важни дизајнот и функционалноста.
Еден од продажнтите адути ќе биде и системот „Magic Seat“ кој овозможува бројни промени на конфигурацијата на седишта, со цел автомобилот да се прилагоди според потребите на сопствениците, како и за превозот на луѓе, така и за багаж.
Основната зафатнина на багажникот е 453 l, a со навалување на седиштата се зголемува на 1.026 l.
Во почетокот во понудата ќе бидат два мотори, 1.6-литарски „i-DTEC“ дизел со 120 ks и 1.5-литарски „i-VTEC“ бензинец со 130 ks.
Двата мотори стандардно се поврзани со мануелен шестстепен преносен систем, додека бензинецот може да се нарача и со изборен „CVT“ менувач.
„Honda HR-V“ пристигнува во европските продажни салони во текот ова лето.
